Enna kayava dandigeya

ಎನ್ನ ಕಾಯವ ದಂಡಿಗೆಯ ಮಾಡಯ್ಯ
ಎನ್ನ ಶಿರವ ಸೋರೆಯ ಮಾಡಯ್ಯ
ಎನ್ನ ನರಗಳ ತಂತಿಯ ಮಾಡಯ್ಯ
ಬತ್ತೀಸ ರಾಗವ ಹಾಡಯ್ಯ
ಉರದಲೊತ್ತಿ ಬಾರಿಸು ಕೂಡಲಸಂಗಮದೇವ!


Enna kāyava daṇḍigeya māḍayya
enna śirava sōreya māḍayya
enna naragaḷa tantiya māḍayya
battīsa rāgava hāḍayya
uradalotti bārisu kūḍalasaṅgamadēva!

Naadapriya shivanemba

ನಾದಪ್ರಿಯ ಶಿವನೆಂಬರು ನಾದಪ್ರಿಯ ಶಿವನಲ್ಲ
ವೇದಪ್ರಿಯ ಶಿವನೆಂಬರು ವೇದಪ್ರಿಯ ಶಿವನಲ್ಲ
ನಾದವ ಮಾಡಿದ ರಾವಣಂಗೆ ಅರೆಯಾಯುಷವಾಯ್ತು
ವೇದವನೋದಿದ ಬ್ರಹ್ಮನ ಶಿರಹೋಯ್ತು
ನಾದಪ್ರಿಯನೂ ಅಲ್ಲ ವೇದಪ್ರಿಯನೂ ಅಲ್ಲ
ಭಕ್ತಿಪ್ರಿಯ ನಮ್ಮ ಕೂಡಲಸಂಗಮದೇವ! 

Nādapriya śivanembaru nādapriya śivanalla
vēdapriya śivanembaru vēdapriya śivanalla
nādava māḍida rāvaṇaṅge areyāyuṣavāytu
vēdavanōdida brahmana śirahōytu
nādapriyanū alla vēdapriyanū alla
bhaktipriya nam'ma kūḍalasaṅgamadēva!

chakorange chandramana belakina chinte

Chakōraṅge chandramana beḷakina chinte
ambujake bhānuvina udayada chinte
bhramaraṅge parimaḷada baṇḍumba chinte
enage enna kūḍalasaṅgamadēvana nenevude chinte!

ಚಕೋರಂಗೆ ಚಂದ್ರಮನ ಬೆಳಕಿನ ಚಿಂತೆ
ಅಂಬುಜಕೆ ಭಾನುವಿನ ಉದಯದ ಚಿಂತೆ
ಭ್ರಮರಂಗೆ ಪರಿಮಳದ ಬಂಡುಂಬ ಚಿಂತೆ
ಎನಗೆ ಎನ್ನ ಕೂಡಲಸಂಗಮದೇವನ ನೆನೆವುದೆ ಚಿಂತೆ!